Wann iek an mine jungen Johre in Alenklaysmen denke, fällt mie in Stiekworen folgendes in:

Det üeber de domolige Provinziaistrote eynes Dages regelmäßig en Omnibus fouerte.

Det Gunters un Alenkoupmanns Hus afbranntent.

Det dai Dörners Jakob unger den Perrewagen geron iss un sturf.

Det wie elektrisch Lecht kreygerit un wie uns nitt mey met den Funzellen (1) te behelpen bruchtend.

Det dai dicken Aiken (2) op dr Burg avgedriewen (3) wurrend, ümme met dem Gelle (4), watt et dofür gaffte, de Dröhe für et Elektrische te betahlen.

Det Kapelle un Schaule eyn Gebüge worent un sunndags met ner Briaerwand vanneneyer oder durchgetrennt wurtent.

Det de Kapelle massiv bebugget wurte, ne Sakristei un nen hougen Turm met Glocken kreyg.

Det sougenannte Noutstandsarbeiter ut dem Kualenpott koment un imme Duarpe in eynigen Hüsern inquarteyert worent.

Det dr Gesangverein dm Vikar Göbel en Ständchen gebracht het, weil hai Alenklaismen verloten wull,

Det by Olewes Dubelhochtied gefiert wurte.

Det me dem Kümpers Peyter op Pinkesten de Gibbel (5) bemolt ha.

Det dai Stutten Joseyp op me Haamer sou wahn verunglücket wor. Det imme Spritzenhus day ale Handfüerspritze stund.

Det wie do, wou jitz dr Sportplatz is, et Waldfescht gefiert würte un dr Gaspers Eyduard sougar elektrisch Lecht dogin gelacht ha.

Det day Teilen den öffentlichen Fernspriakapparat für et Duarp hant.

Det dr Karl Schmelzer (geneimet Krayken Karl) dr letschte Heyere in Alenklaysmen wor. Hay kreyg imme Monat 30,- Mark un de Koscht.

Det wie vyel daun un loten met dem Sygeland hant, dojinner verkoftent wie Botter, Eier, Wolperten, Himperten (6), Schwapperten (7), Tufelen (8), Holt un Schanzen (9).

Det yek, als yek ut dr Kriegsgefangenschaft no Häyme kom, keyn Hus mey fyarfung, Oelhuaws, Trütschen, Püttmanns, Allbrouds un de Lourdes-Grotte worent aff gebrannt.

Det day Kümpers Päyter en grouten Diäschkaschten ha, det janze Duarp leiht do de Frucht dyaschen.

Det dr Winkelmeyers Teyodor van Nigenklaismen by uns imme Duarpe de Kerner afgualte un en paar Dah späher et Gebäkede (10) wier in't Hus brachte.

Det dr Drikeses Joseyp buar dr Kaue met me Motorrahe verunglüket. Det day viellen gueden Frönde ut dm Kriege nit wier terügge koment.

Det dr Gesangverein dn Graf van Krumbach taume Dirigenten ha, weil dai grügelte (11) muchte obens noh dr Proube üeber et Heck no Häime gebracht weren.

Det dr Gesangverein en grout Fest op der Gunters Weie fierte.

Det dai Gunters un dai Röchers, iek glöibe dai Olewes ouk, en Göbel hant.

Det de Gasleitung un de Waterleitung gebuget wurte.

Det dai Drailings et eyste Motorrad imme Duarpe hant, wou wie alle et eystemol ope gefouert sind. Me muchte et anschuben, en Gang ha et noch nit, blous en Gashebel un en Kompressioun.

Det day Koches Siegfried sou schöyne Periker maken kunn. Det day Mannslüe geren van dr Militärtied vertaltent.

Det de Hochspannung gebuget wurte.

Det det Jungvaih in dai Waiekämpe gedriewen wurte.

Det de Zikurgenbröers imme Backhus en wahnen Qualm maketent. Det imme Duarpe fief Backhüser worent.

Det Diers (12) , day taum beschlon schwierig worent, in en Noutstall koment. Det, als et Elektrische kom, jeyder Genosse en Louak für en Masten schmieten muchte.

Det day jungen Burschen geren ob me Stoute ame Tune stunnent.

Det eynes Margens alle Abtrittsdyaren ut dem ganzen Duarpe op dr Brügge stunent.

Det me munkelte, eyn Johr wör et bym verlousen dr Poschemiaker nit met rechten Dingern taugegangen.

Det day Röchers Tante manigem met eren Kernchen (13) geholpen het. Det in dr Röyte de Vuelstange stunt.

Det day Telefonleitunge, day met 94 Dröhen, van Olpe komment wider no Krumbach verlaip, verkabelt wurte. Nu kunenfe keyne Pöttcher (14) mey kaputt schmieten!

vamme Allbrouds Tonis

1) Handlampen
2) Eichen
3) abgehauen
4) Geld
5) Giebel
6) Himbeeren
7) Brombeeren
8) Kartoffeln
9) Kleinholzbündel
10) gemahlene Körner
11) Angst haben
12) Tiere
13) Homöopathie
14) Isolatoren

Hochtiedsspäße

In miner Jugend wor et in Alenklaismen Moude, tau ner Hochtied te schaiten. Geschuatten wurte den jungen Lüen, wan se no dr Trauunge de Kärke verlaitent. Wai van den Burschen grade fri ha, muchte de "Kattenköppe" lahn, un dann wurte geschuatten.

By ner Hochtied ime Schersiepen, worent day Koupmanns Otto un iek an dr Riggel. Als wie gehörig geschuatten hant, schikete uns day tefriane Brüdigam en echte Flasche Konjack. Det wor allerdings wat ganz utergewühnliches für uns beien, denn muchtent wi probeyeren. Un det Tüch det schmuck, det schmuck luter byater!

Als wie uns über day Flasche alt wahn "erbarmet" hant, kom dr Gesangverein des Wyas getuan in Richtung Hochtiedshus. Wie, dr Otto un iek worent jo ouk imme Verein, do muchtenfe met jien, also schoubend wie dr hingerhiar. Nu fung et aber an te ryanen, deshalb stalted wie uns in nem ouapenen Schöppchen unger, wat dicht amme Hochtiedshuse stunt. Et kom Langewiele un Wind op! En paar Meyter für uns wor et Hochtiedshusküekenfinstern, me sog, det se do wahn amme hantäyeren worent. Denn Kyakers poß det aber nit, de vie dorin sayn kunnent, dorümme tougend se amme oupenen Finschteren de Gardiene tau. Dai Gardiene wegete luter tau dr Küke rinner, un do stund direkt für me Finsteren en grouten Disch met vill gurren Saken! Day Gardiene gafte by jeydem Windstout en groute Suppenterrine fri, dogiegen worend wie, dr Otto un yek wahn ungerniammungsluschdig. lek glöibe iek sie et gewescht, day sie day Terriene schnappete un dann domet in et Schöppchen! leh leiben Lüe, wietend ih, watt do in dem Potte wohr? Elpertenbuale! Wie kunnent uns nu nittmey bremsen un wullent se blous ens probeyeren, sou en winnig drane nippen! Nippen wulled se aber alle blous! Als abber ens dertig Mann genippet hant, do wor day Kump lyeg! Wie stalltent en wier terüge ob en Disch, aber op en Kopp, als wann dr Wind annem gewescht wör. Als wie dann unse Stäntchen gebracht hant, wurtent wie ingelatt, op dr Diale en Fahrt Beyer te drinken. Als et uns sou richtig amme schmacken wor, koment en paar Fraulüe dr Husdiare rinn, day hant siek stödlich verklett met viell Spitzen un witten Kläyern. Nu fingent day Verkletten ouk noch an Gedichte un schöüne Sprüche op te siehen, ob ens kom en ander Wiewesmensche ut dr Küke gebuaschten un raip op Mukhänsisch: "Gaht dai doriut, dai jeat uns de Bole suapen!

(vamme Allbrouds Tonis)